"Брентфорд" "Фрайбург" ҳужумчиси Кевин Шаде билан шартнома имзолаганини эълон қилди. 21 ёшли германиялик инглиз клубига жорий мавсум охиригача ижара асосида ўтди.
Ёзда "Брентфорд" футболчини сотиб олади ва у билан 5 йиллик шартнома имзолайди, деб хабар беради клуб матбуот хизмати.
Инсайдер Фабрицио Романонинг фикрича, 2022/23 йилги мавсум якунида трансфер суммаси 24 миллион еврони ташкил қилади.
Жорий мавсумда форвард “Фрайбург” сафида барча турнирлар доирасида 12 та ўйинда майдонга тушиб, 1 та гол ва 2 та голли узатмани амалга оширди. Transfermarkt.com портали футболчининг нархини 12 миллион еврога баҳоламоқда.
