Simone Indzagi «Inter»ning «Napoli» ustidan qozongan g‘alabasini (1:0) yuqori baholadi.

«Jeko (g‘alaba goli muallifi) juda yaxshi o‘ynadi, biz u bilan «Inter»da bir yarim yildan beri ishlayapmiz. U yuqori texnika, kuch va boshqa ko‘plab fazilatlarga ega.

Yevropa ligalarida mag‘lubiyatga uchramagan yagona jamoa — «Napoli»ni mag‘lub etish o‘zimizga bo‘lgan katta ishonchni oshirishi aniq. Yigitlar bilan juda faxrlanaman, chunki ular maydonda bir-biriga yordam berishdi. Ularni tomosha qilish yoqimli, muxlislar uchun ajoyib o‘yin ko‘rsatishdi.

Birinchi bo‘lim so‘nggida biz chuqurroq himoyalanishni boshladik va «Napoli» to‘pga ko‘proq ega bo‘lishiga imkon berdik.

Shu bilan birga tanaffusga qadar uchta gol urishimiz mumkin edi. Shunday qilib, biz 95 daqiqa davomida konsentrasiyani saqlab qoldik», dedi «Inter» bosh murabbiyi.