«Manchester Yunayted» «Kristal Pelas» bilan 29 yoshli darvozabon Jek Batlendni ijaraga olish borasida to‘liq kelishib oldi. Bu haqda jurnalist Fabrisio Romano xabar bermoqda.
Manbaga ko‘ra, ijara shartnomasi muddati joriy mavsum oxirigacha hisoblab chiqiladi. Angliyalik darvozabon 2020 yildan buyon London jamoasi sharafini himoya qilib kelmoqda. U avvalroq «Stok Siti», «Lids», «Derbi Kaunti», «Birmingem» va «Bansli» klublarida o‘ynagan. Bundan tashqari, Batlend Angliya terma jamoasida o‘ynash tajribasiga ega bo‘lib, u buning uchun to‘qqizta o‘yin o‘tkazgan.
Eslatib o‘tamiz, joriy APL mavsumida tajribali darvozabon «Kristal Pelas» safida birorta ham rasmiy o‘yin o‘tkazmagan.
