Belgiyalik futbolchi Eden Azar qishki transfer oynasida klubini almashtirmoqchi.
Fichajes nashri xabariga ko‘ra, "Fenerbaxche" belgiyalik futbolchi uchun taklif bilan chiqqan. Turk giganti Azarni ijaraga olishga va maoshining katta qismini o‘z zimmasiga olishga tayyor.
"Real" Eden Azarning ketishiga qarshi emas, ammo yakuniy qarorni futbolchining o‘zi qabul qiladi.
Eden Azar "Real"ga 2019 yilning yozida kelgan edi. Belgiyalik futbolchi Madrid klubiga "Chelsi"dan ko‘chib o‘tdi, ammo u Ispaniyada o‘ynay olmadi. Azar jarohatlar tufayli qiynala boshladi va u maydonga tushganida yuqori darajadagi o‘yin ko‘rsatmadi.
