Бельгиялик футболчи Эден Азар қишки трансфер ойнасида клубини алмаштирмоқчи.
Fichajes нашри хабарига кўра, "Фенербахче" бельгиялик футболчи учун таклиф билан чиққан. Турк гиганти Азарни ижарага олишга ва маошининг катта қисмини ўз зиммасига олишга тайёр.
"Реал" Эден Азарнинг кетишига қарши эмас, аммо якуний қарорни футболчининг ўзи қабул қилади.
Эден Азар "Реал"га 2019 йилнинг ёзида келган эди. Бельгиялик футболчи Мадрид клубига "Челси"дан кўчиб ўтди, аммо у Испанияда ўйнай олмади. Азар жароҳатлар туфайли қийнала бошлади ва у майдонга тушганида юқори даражадаги ўйин кўрсатмади.
