Huquqlari "Barselona"ga tegishli bo‘lgan "Lechche" himoyachisi Samuel Umtiti Italiya chempionati o‘yinida irqchilikka duch keldi. FIFA prezidenti Janni Infantino ushbu voqeaga izoh berdi.
"Keling, baland ovoz bilan baqiraylik: “Irqchilikka yo‘q!" - deb. Muxlislarning katta qismi yaxshi insonlar, irqchilarning og‘zini abadiy yopish uchun bir marta o‘rnidan tursinlar", - dedi Infantino L’Equipe nashriga.
Eslatib o‘tamiz, chorshanba kuni "Lechche" o‘z maydonida "Lasio"ni 2:1 hisobida mag‘lub etgandi. Uch ochko evaziga jamoa Italiya A seriyasi turnir jadvalida 12-o‘ringa ko‘tarilib oldi.
