Ҳуқуқлари "Барселона"га тегишли бўлган "Лечче" ҳимоячиси Самуэль Умтити Италия чемпионати ўйинида ирқчиликка дуч келди. ФИФА президенти Жанни Инфантино ушбу воқеага изоҳ берди.
"Келинг, баланд овоз билан бақирайлик: “Ирқчиликка йўқ!" - деб. Мухлисларнинг катта қисми яхши инсонлар, ирқчиларнинг оғзини абадий ёпиш учун бир марта ўрнидан турсинлар", - деди Инфантино L’Equipe нашрига.
Эслатиб ўтамиз, чоршанба куни "Лечче" ўз майдонида "Лацио"ни 2:1 ҳисобида мағлуб этганди. Уч очко эвазига жамоа Италия А серияси турнир жадвалида 12-ўринга кўтарилиб олди.
