Fransiyaning "Monako" klubi markaziy himoyachisi Benua Badyashil rasman "Chelsi"ga o‘tdi. Bu haqda London klubi ijtimoiy tarmoqdagi sahifasida ma’lum qildi. Futbolchining "ko‘klar" bilan shartnomasi 2029 yilning yoziga qadar amal qiladi.
OAV ma’lumotlariga ko‘ra, 21 yoshli fransiyalik futbolchi "ko‘klar"ga 38 million yevroga tushgan. Muzokaralar deyarli dekabr oyining ikkinchi yarmida davom etgan va yanvar oyining ilk kunlarida futbolchi londonliklar bilan shartnoma imzolashdan avval tibbiy ko‘rikdan muvaffaqiyatli o‘tgan.
