Kristian Fuks futbolchilik faoliyatini yakunladi.
36 yoshli himoyachi futbolchilik faoliyatini yakunlaganini ma’lum qildi. U professional darajada 7 ta klubda 19 mavsum o‘ynagan.
Umuman olganda, avstriyalik futbolchi klubdagi faoliyati davomida 577 ta o‘yin o‘tkazib, 37 ta gol urgan va 83 ta golga assistentlik qilgan. U Avstriya terma jamoasida ham 78 marta maydonga tushgan.
Fuks "Viner Noyshtadt", "Mattersburg", "Boxum", "Mayns", "Shalke", "Lester" va "Sharlott" klublarida o‘ynagan. 2016 yilda "Lester" bilan Angliya chempioni bo‘ldi.
"Bu men va oilam uchun aql bovar qilmaydigan sayohat bo‘ldi. Yillar davomida biz nafaqat katta muvaffaqiyatlarni nishonladik, balki ushbu sayohat davomida ajoyib odamlardan o‘rganishga ham muvaffaq bo‘ldik.
Faoliyatim davomida klub vakillari, jamoadoshlarim va tarafdorlarim tomonidan ko‘rsatilgan barcha qo‘llab-quvvatlashlar uchun minnatdorman. Men butun umrim davomida eslab qoladigan o‘sha unutilmas lahzalarga katta tabassum bilan qarayman", dedi Fuks.
