"Bavariya"ning yangi a’zosi Deyli Blind Myunxen klubiga o‘tish haqida gapirdi. Himoyachining so‘nggi klubi "Ayaks" bo‘lgan.

"Bavariya"da o‘ynashni kuta olmayman. Mavsumning eng muhim qismi yaqinlashmoqda, unvonlar uchun kurash boshlanadi va "Bavariya" kabi klub istalgan sovrinni qo‘lga kiritishi mumkin. Bu klubdagi titullarga bo‘lgan intilish mening ko‘chib o‘tishimga asosiy sabab bo‘ldi. Umid qilamanki, tajribam bilan o‘rtoqlashaman va jamoaga yordam bera olaman. "Bavariya" uchun borimni beraman", — deya Blindning so‘zlarini keltiradi myunxenliklar rasmiy sayti.

Blind joriy mavsumda “Ayaks” safida barcha musobaqalarda 19 ta o‘yinda maydonga tushib, 2 ta golli uzatmaga erishdi. Avvalroq niderlandiyalik futbolchi “Manchester Yunayted”ni himoya qilgan.