"Бавария"нинг янги аъзоси Дейли Блинд Мюнхен клубига ўтиш ҳақида гапирди. Ҳимоячининг сўнгги клуби "Аякс" бўлган.
"Бавария"да ўйнашни кута олмайман. Мавсумнинг энг муҳим қисми яқинлашмоқда, унвонлар учун кураш бошланади ва "Бавария" каби клуб исталган совринни қўлга киритиши мумкин. Бу клубдаги титулларга бўлган интилиш менинг кўчиб ўтишимга асосий сабаб бўлди. Умид қиламанки, тажрибам билан ўртоқлашаман ва жамоага ёрдам бера оламан. "Бавария" учун боримни бераман", — дея Блинднинг сўзларини келтиради мюнхенликлар расмий сайти.
Блинд жорий мавсумда “Аякс” сафида барча мусобақаларда 19 та ўйинда майдонга тушиб, 2 та голли узатмага эришди. Аввалроқ нидерландиялик футболчи “Манчестер Юнайтед”ни ҳимоя қилган.
