"Manchester Siti" bosh murabbiyi Pep Gvardiola APLning 19-turida "Chelsi" ustidan qozonilgan g‘alaba (1:0) haqida fikr bildirdi.

"Stemford Brij"da o‘ynash har doim qiyin. Birinchi bo‘limda hammasi sust kechdi, bizda ritm yo‘q edi. Ikkinchi bo‘limda o‘zimizning eng yaxshi tomonlarimizni ko‘rsatdik.

Ammo Riko Lyuis maydonga tushganidan so‘ng biz yaxshiroq o‘ynay boshladik. U ajoyib qobiliyatga ega. U o‘yinning borishini o‘zgartirdi. Aksariyat o‘yinchilar yaxshi o‘ynashadi, lekin u boshqalarni yaxshiroq o‘ynashga majbur qiladigan tarzda o‘ynashga qodir. Bu ajoyib iste’dod.

Albatta, "Chelsi"da jarohatlar tufayli yuqori saviyali futbolchilar ko‘p emas. Keyin ular dastlabki daqiqalarda Rahim Sterlingni yo‘qotishdi, shuning uchun bu oson bo‘lmadi. Lekin birinchi bo‘limda o‘yinimiz yaxshi bo‘lmadi.

"Arsenal"dan ortda qolish? Bu 7, 8 yoki 10 ochko bo‘lishi mumkin edi. Lekin hozir farq 5 ochko. Biz faqat o‘zimizga qarashimiz kerak, ammo tan olishim kerakki, ularning o‘yinini hisobga olsak, "Arsenal" yetakchi bo‘lishga loyiq. Gap nafaqat ochkolarda, balki ularning qanday o‘ynashida ham. "Manchester Yunayted"ga yutqazib, "Nyukasl" bilan durang o‘ynaganlarida ham ularning o‘yin sifati va saviyasi juda yaxshi edi", - dedi Gvardiola.