"Манчестер Сити" бош мураббийи Пеп Гвардиола АПЛнинг 19-турида "Челси" устидан қозонилган ғалаба (1:0) ҳақида фикр билдирди.

"Стэмфорд Бриж"да ўйнаш ҳар доим қийин. Биринчи бўлимда ҳаммаси суст кечди, бизда ритм йўқ эди. Иккинчи бўлимда ўзимизнинг энг яхши томонларимизни кўрсатдик.

Аммо Рико Льюис майдонга тушганидан сўнг биз яхшироқ ўйнай бошладик. У ажойиб қобилиятга эга. У ўйиннинг боришини ўзгартирди. Аксарият ўйинчилар яхши ўйнашади, лекин у бошқаларни яхшироқ ўйнашга мажбур қиладиган тарзда ўйнашга қодир. Бу ажойиб истеъдод.

Албатта, "Челси"да жароҳатлар туфайли юқори савияли футболчилар кўп эмас. Кейин улар дастлабки дақиқаларда Раҳим Стерлингни йўқотишди, шунинг учун бу осон бўлмади. Лекин биринчи бўлимда ўйинимиз яхши бўлмади.

"Арсенал"дан ортда қолиш? Бу 7, 8 ёки 10 очко бўлиши мумкин эди. Лекин ҳозир фарқ 5 очко. Биз фақат ўзимизга қарашимиз керак, аммо тан олишим керакки, уларнинг ўйинини ҳисобга олсак, "Арсенал" етакчи бўлишга лойиқ. Гап нафақат очколарда, балки уларнинг қандай ўйнашида ҳам. "Манчестер Юнайтед"га ютқазиб, "Ньюкасл" билан дуранг ўйнаганларида ҳам уларнинг ўйин сифати ва савияси жуда яхши эди", - деди Гвардиола.