"Bavariya" sport direktori Xasan Salihamidjich Myunxen klubi Menxengladbaxning "Borussiya" jamoasidan darvozabon Yann Zommerni qo‘lga kiritishga urinayotganini tasdiqladi.
Eslatib o‘tamiz, 34 yoshli shveysariyalik posbon Myunxenda oyog‘i singanligi sababli mavsumning qolgan qismini o‘tkazib yuboradigan Manuel Noyerning o‘rnini egallashi mumkin.
"Boshqa klub futbolchilari haqida gapirishni yoqtirmayman, lekin Zommerning nomzodi "Bavariya"da haqiqatdan ham muhokama qilinmoqda. Biz bu variantni ko‘rib chiqamiz va klub uchun eng yaxshi qarorni qabul qilamiz", - dedi Salihamidjich.
Mavsum oxirida Zommerning "Borussiya" bilan shartnomasi yakuniga yetadi. Yann Myunxenga ko‘chib o‘tishga tayyor.
