"Бавария" спорт директори Хасан Салиҳамиджич Мюнхен клуби Менхенгладбахнинг "Боруссия" жамоасидан дарвозабон Янн Зоммерни қўлга киритишга уринаётганини тасдиқлади.
Эслатиб ўтамиз, 34 ёшли швейцариялик посбон Мюнхенда оёғи синганлиги сабабли мавсумнинг қолган қисмини ўтказиб юборадиган Мануэль Нойернинг ўрнини эгаллаши мумкин.
"Бошқа клуб футболчилари ҳақида гапиришни ёқтирмайман, лекин Зоммернинг номзоди "Бавария"да ҳақиқатдан ҳам муҳокама қилинмоқда. Биз бу вариантни кўриб чиқамиз ва клуб учун энг яхши қарорни қабул қиламиз", - деди Салиҳамиджич.
Мавсум охирида Зоммернинг "Боруссия" билан шартномаси якунига етади. Янн Мюнхенга кўчиб ўтишга тайёр.
