Grem Potterni "Chelsi" bosh murabbiyligidan bo‘shatish xavfi yo‘q.
The Telegraph nashri xabariga ko‘ra, London klubi rahbarlari murabbiyni qo‘llab-quvvatlashda davom etmoqda. Ular jamoaning so‘nggi muvaffaqiyatsizliklarining asosiy sababi jarohatlar, deb hisoblashadi.
Eslatib o‘tamiz, Grem Potter o‘tgan yilning sentyabr oyi boshida, Tomas Tuxel iste’foga chiqqanidan ko‘p o‘tmay, "Chelsi"ni boshqarishni boshlagan edi. Potter boshchiligida londonliklar 17ta o‘yin o‘tkazgan. Ular 8 g‘alaba, 4 durang va 5 mag‘lubiyatga uchragan.
"Chelsi" ayni damda Angliya Premyer-ligasida 10-o‘rinda bormoqda.
