Mashhur sobiq futbolchi Devid Bekxem afsonaviy italiyalik sobiq hujumchi Janluka Viallining o‘limiga munosabat bildirdi.
Janluka Vialli bugun, 6 yanvar kuni 58 yoshida vafot etdi. U uzoq vaqt davomida saraton kasalligiga qarshi kurashdi.
"Ulkan ruhga ega haqiqiy jentlmen. Biz sizni sevamiz Janluka. Chao, do‘stim", — deb yozdi Devid ijtimoiy tarmoqda.
Bir vaqtlar Vialli ko‘plab sovrinlarni qo‘lga kiritdi. Xususan, u "Yuventus"ga Chempionlar ligasi va boshqa xalqaro kuboklarni yutishda yordam berdi. U Italiya chempioni bo‘lgan "Sampdoriya" va Londonning "Chelsi"siga ham katta foyda keltirdi. Yevro 2020da u "Skuadra Adzurra" murabbiylar shtabida edi.
