Машҳур собиқ футболчи Девид Бекхэм афсонавий италиялик собиқ ҳужумчи Жанлука Виаллининг ўлимига муносабат билдирди.
Жанлука Виалли бугун, 6 январь куни 58 ёшида вафот этди. У узоқ вақт давомида саратон касаллигига қарши курашди.
"Улкан руҳга эга ҳақиқий жентльмен. Биз сизни севамиз Жанлука. Чао, дўстим", — деб ёзди Дэвид ижтимоий тармоқда.
Бир вақтлар Виалли кўплаб совринларни қўлга киритди. Хусусан, у "Ювентус"га Чемпионлар лигаси ва бошқа халқаро кубокларни ютишда ёрдам берди. У Италия чемпиони бўлган "Сампдория" ва Лондоннинг "Челси"сига ҳам катта фойда келтирди. Евро 2020да у "Скуадра Адзурра" мураббийлар штабида эди.
