"Manchester Siti" bosh murabbiyi Xosep Gvardiola Braziliya terma jamoasi bosh murabbiyi lavozimini egallash imkoniyatidan foydalanmadi.
Ispaniyalik mutaxassis chorak final bosqichida jahon chempionatini tark etganidan so‘ng darhol Braziliya terma jamoasidan ketishini e’lon qilgan Titeni almashtirishi mumkin edi.
Jurnalist Saymon Mallokning yozishicha, Gvardiola Braziliya futbol federasiyasining taklifini rad etgan va bunga “Manchester Siti”dagi ishlari tugallanmagani sabab bo‘lgan. U “shaharliklar” bilan joriy mavsum oxirida muddati tugagan shartnomani uzaytirishni maqul ko‘rdi.
Xosep Gvardiola 2016 yildan beri ingliz grandini boshqarib kelmoqda. Uning yangi shartnomasi 2025 yilgacha mo‘ljallangan.