"Манчестер Сити" бош мураббийи Хосеп Гвардиола Бразилия терма жамоаси бош мураббийи лавозимини эгаллаш имкониятидан фойдаланмади.

Испаниялик мутахассис чорак финал босқичида жаҳон чемпионатини тарк этганидан сўнг дарҳол Бразилия терма жамоасидан кетишини эълон қилган Титени алмаштириши мумкин эди.

Журналист Саймон Маллокнинг ёзишича, Гвардиола Бразилия футбол федерациясининг таклифини рад этган ва бунга “Манчестер Сити”даги ишлари тугалланмагани сабаб бўлган. У “шаҳарликлар” билан жорий мавсум охирида муддати тугаган шартномани узайтиришни мақул кўрди.

Хосеп Гвардиола 2016 йилдан бери инглиз грандини бошқариб келмоқда. Унинг янги шартномаси 2025 йилгача мўлжалланган.