"Everton" Fransiyaning "Loryan" klubi yarim himoyachisi Dango Uattaraga ko‘z tikmoqda.

Jurnalist Santi Aunaning xabariga ko‘ra, liverpulliklar futbolchi uchun 20 million yevro taklif qilgan, biroq rad javobini olgan.

20 yoshli yarim himoyachi "Everton" jamoasiga o‘tishga juda qiziqadi, ammo mavsum o‘rtasida uni qo‘lga kiritish qiyin bo‘ladi. Mersisaydliklar Uattaraning transferi uchun yangi taklif bilan chiqmoqchimi yoki yo‘qmi, hozircha ma’lum emas.

Joriy mavsum boshlanishidan oldin “Everton” Fransiya chempionatidan bir nafar yarim himoyachini sotib olgandi – Amado Onan. U “Lill” klubidan Frank Lempard jamoasiga 40 million yevro evaziga o‘tgan edi.