"Chelsi" jahon chempionatining eng yaxshi yosh futbolchisi Enso Fernandesning transferi bo‘yicha "Benfika" bilan muzokaralarda muvaffaqiyatsizlikka uchraganiga qaramay, yarim himoya chizig‘ini kuchaytirish umidini yo‘qotgani yo‘q.
TalkSPORT nashri xabariga ko‘ra, "Sautgempton" yarim himoyachisi Romeo Lavia londonliklar tomonidan taklif qilinishi mumkin.
Avgust oyi oxirida "ko‘klar" 19 yoshli belgiyalik futbolchini o‘z safiga qo‘shib olishga urinib ko‘rishdi, ammo "avliyolar" iqtidorli futbolchi uchun 55 million yevrolik taklifni rad etishdi. Futbolchining o‘zi iyul oyi oxirida "Sautgempton"ga "Manchester Siti"dan taxminan 15 million yevro evaziga o‘tgan edi.
Lavia joriy mavsumda jamoasi safida Premyer-ligada 9 ta o‘yinda maydonga tushdi. U "Chelsi" bilan g‘alabali o‘yinda (2:1) gol kiritgandi.