"Челси" жаҳон чемпионатининг энг яхши ёш футболчиси Энцо Фернандеснинг трансфери бўйича "Бенфика" билан музокараларда муваффақиятсизликка учраганига қарамай, ярим ҳимоя чизиғини кучайтириш умидини йўқотгани йўқ.
ТalkSPORT нашри хабарига кўра, "Саутгемптон" ярим ҳимоячиси Ромео Лавиа лондонликлар томонидан таклиф қилиниши мумкин.
Август ойи охирида "кўклар" 19 ёшли бельгиялик футболчини ўз сафига қўшиб олишга уриниб кўришди, аммо "авлиёлар" иқтидорли футболчи учун 55 миллион евролик таклифни рад этишди. Футболчининг ўзи июль ойи охирида "Саутгемптон"га "Манчестер Сити"дан тахминан 15 миллион евро эвазига ўтган эди.
Лавиа жорий мавсумда жамоаси сафида Премьер-лигада 9 та ўйинда майдонга тушди. У "Челси" билан ғалабали ўйинда (2:1) гол киритганди.
