Italiya chempionati 17-turi “Atalanta” safarda “Bolonya”ni mag‘lub etdi – 2:1.
Mezbonlar hujumchisi Rikkardo Orsolini uchrashuvdagi birinchi golni 6-daqiqada kiritdi. 47-daqiqada mehmonlar yarim himoyachisi Tyon Kopmeyners hisobni tenglashtirgan bo‘lsa, hujumchi Rasmus Xaylund 58-daqiqada “Atalanta”ga g‘alaba keltirgan gol muallifi bo‘ldi.
"Atalanta" g‘alabasiz (1 durang, 3 mag‘lubiyat) 4 o‘yindan iborat seriyani tugatdi va 31 ochko bilan Italiya chempionati turnir jadvalida oltinchi o‘ringa chiqib oldi. "Bolonya" 17 o‘yindan keyin 19 ochko bilan 12-o‘rinda bormoqda.
