«PSJ» bosh murabbiyi Kristof Galtyening fikricha, yarim himoyachi Pablo Sarabiya katta tanqidlarga loyiq emas. Eslatib o‘tamiz, muxlislar Fransiya kubogining 1/32 finalidan o‘rin olgan «Shatoru»ga qarshi o‘yinda ispaniyalikning o‘yinidan norozi bo‘lishgan.
«Pablo ko‘p o‘ynamaydi, lekin menimcha, bunday tanqidlarga loyiq emas. Odamlar aniq bo‘rttirib yuborishadi. Sarabiyaning o‘zi esa «Shatoru»ga qarshi o‘yinidan norozi emas», — dedi Galtye matbuot anjumanida.
Eslatib o‘tamiz, Sarabiya o‘tgan mavsumda Lissabonning «Sporting» klubida ijara asosida o‘ynagan edi. Ushbu mavsumda «PSJ» futbolchiga jamoada o‘zini ko‘rsatish uchun yana bir imkoniyat berishga qaror qildi.
