«ПСЖ» бош мураббийи Кристоф Галтьенинг фикрича, ярим ҳимоячи Пабло Сарабия катта танқидларга лойиқ эмас. Эслатиб ўтамиз, мухлислар Франция кубогининг 1/32 финалидан ўрин олган «Шатору»га қарши ўйинда испанияликнинг ўйинидан норози бўлишган.
«Пабло кўп ўйнамайди, лекин менимча, бундай танқидларга лойиқ эмас. Одамлар аниқ бўрттириб юборишади. Сарабиянинг ўзи эса «Шатору»га қарши ўйинидан норози эмас», — деди Галтье матбуот анжуманида.
Эслатиб ўтамиз, Сарабия ўтган мавсумда Лиссабоннинг «Спортинг» клубида ижара асосида ўйнаган эди. Ушбу мавсумда «ПСЖ» футболчига жамоада ўзини кўрсатиш учун яна бир имконият беришга қарор қилди.
