Frankfurtning “Ayntraxt” klubi va Germaniya terma jamoasi yarim himoyachisi Mario Gyotse 2024 yilgi Yevropa chempionatida milliy terma jamoa safida o‘ynashni istayotganini aytdi.
"Agar Xansi Flik meni terma jamoaga olishga qaror qilsa, men rozi bo‘laman. Bu katta turnir, bu ajoyib bo‘lishiga aminman”, - dedi Mario Bild nashriga.
Eslatib o‘tamiz, Gyotse jahon chempioni hisoblanadi. 2014 yil Braziliyada bo‘lib o‘tgan jahon chempionatida Mario Argentinaga qarshi final uchrashuvida (1:0) g‘alaba to‘pini kiritgan edi.
2022-yili Qatarda bo‘lib o‘tgan jahon chempionatida 30 yoshli germaniyalik 2 ta o‘yinda maydonga tushib, jami 34 daqiqa maydonda o‘tkazdi. Germaniya turnirdagi o‘yinini guruh bosqichida yakunladi.
