Франкфуртнинг “Айнтрахт” клуби ва Германия терма жамоаси ярим ҳимоячиси Марио Гётце 2024 йилги Европа чемпионатида миллий терма жамоа сафида ўйнашни истаётганини айтди.
"Агар Ханси Флик мени терма жамоага олишга қарор қилса, мен рози бўламан. Бу катта турнир, бу ажойиб бўлишига аминман”, - деди Марио Bild нашрига.
Эслатиб ўтамиз, Гётце жаҳон чемпиони ҳисобланади. 2014 йил Бразилияда бўлиб ўтган жаҳон чемпионатида Марио Аргентинага қарши финал учрашувида (1:0) ғалаба тўпини киритган эди.
2022-йили Қатарда бўлиб ўтган жаҳон чемпионатида 30 ёшли германиялик 2 та ўйинда майдонга тушиб, жами 34 дақиқа майдонда ўтказди. Германия турнирдаги ўйинини гуруҳ босқичида якунлади.
