Todofichajes xabariga ko‘ra, Madridning "Real" klubi "Tottenxem" hujumchisi Xarri Keynga qiziqish bildirmoqda.
Manbaning xabariga ko‘ra, ispan klubi kelasi yozda futbolchini sotib olish variantini ko‘rib chiqmoqda. Madridliklar futbolchining "shporlar" bilan shartnomasi 2024 yilning yoziga qadar amal qilishidan unumli foydalanish niyatida. Shunday qilib, forvardni arzonlashtirilgan narxda sotib olish mumkin. Angliyalik futbolchiga "Bavariya", "Chelsi" va "Manchester Yunayted" ham qiziqmoqda.
29 yoshli Keyn joriy mavsumda “Tottenxem” safida barcha turnirlarda 26 ta o‘yinda maydonga tushib, 17 ta gol urdi va 3 ta golli uzatmani amalga oshirdi.
