"Lester" joriy mavsumda APLdagi natijalarini yaxshilash uchun joriy qishki transfer oynasida hujum chizig‘ini kuchaytirmoqchi. 90min xabariga ko‘ra, "tulkilar" Italiyaning "Fiorentina" klubiga tegishli argentinalik hujumchi Nikolas Gonsales uchun 36,5 million yevro taklif qilishgan.

Ikkala klub ham transfer bo‘yicha muzokaralarni boshlab yuborgan. Ingliz klubi rahbariyati futbolchining transferga qiziqish bildirishiga ishonmoqda. "Lester" futbolchi bilan muzokaralarni boshlash uchun "binafsharanglar"ning transferga munosabat bildirishini kutmoqda.

Biroq, "tulkilar" Gonsalesni kuzatib borayotgan yagona klub emas. "Tottenxem" va "Nyukasl Yunayted" ham so‘nggi oylarda futbolchiga qiziqish bildirishgan, ammo hozircha rasmiy taklif bilan chiqmagan.