"Лестер" жорий мавсумда АПЛдаги натижаларини яхшилаш учун жорий қишки трансфер ойнасида ҳужум чизиғини кучайтирмоқчи. 90min хабарига кўра, "тулкилар" Италиянинг "Фиорентина" клубига тегишли аргентиналик ҳужумчи Николас Гонсалес учун 36,5 миллион евро таклиф қилишган.
Иккала клуб ҳам трансфер бўйича музокараларни бошлаб юборган. Инглиз клуби раҳбарияти футболчининг трансферга қизиқиш билдиришига ишонмоқда. "Лестер" футболчи билан музокараларни бошлаш учун "бинафшаранглар"нинг трансферга муносабат билдиришини кутмоқда.
Бироқ, "тулкилар" Гонсалесни кузатиб бораётган ягона клуб эмас. "Тоттенхэм" ва "Ньюкасл Юнайтед" ҳам сўнгги ойларда футболчига қизиқиш билдиришган, аммо ҳозирча расмий таклиф билан чиқмаган.
