"Lids" "Xoffenxaym" hujumchisi Jorjinyo Ryutter uchun qancha to‘lashi ma’lum bo‘ldi.

L'Equipe xabariga ko‘ra, ingliz klubi 20 yoshli fransiyalik yosh futbolchi uchun bonuslar bilan birga 40 million yevro to‘laydi. Bu "Lids" tarixidagi eng yuqori miqdor. Fransiyalik futbolchi bilan shartnoma 2028 yilgacha mo‘ljallangan.

"Xoffenxaym" uchun Ryutterning transferi Joyelintondan keyin (2019 yilda "Nyukasl"ga 44 million yevro) va Roberto Firmino (2015 yilda "Liverpul") bilan teng keladigan ikkinchi yirik transfer bo‘ladi.

“Xoffenxaym” Ryutterni 2021 yilning qishida “Renn”dan deyarli 1 million yevro evaziga sotib olgandi. 2022/23 yilgi mavsumda u “Xoffenxaym” safida 17 ta o‘yinda maydonga tushib, 2 ta gol urdi va 3 ta golli uzatmani amalga oshirdi.

Transfermarkt.com portali futbolchining narxini 16 million yevroga baholamoqda. Uning nemis klubi bilan shartnomasi 2026 yilning yoziga qadar amal qiladi.