"Лидс" "Хоффенхайм" ҳужумчиси Жоржиньо Рюттер учун қанча тўлаши маълум бўлди.
L'Equipe хабарига кўра, инглиз клуби 20 ёшли франциялик ёш футболчи учун бонуслар билан бирга 40 миллион евро тўлайди. Бу "Лидс" тарихидаги энг юқори миқдор. Франциялик футболчи билан шартнома 2028 йилгача мўлжалланган.
"Хоффенхайм" учун Рюттернинг трансфери Жоелинтондан кейин (2019 йилда "Ньюкасл"га 44 миллион евро) ва Роберто Фирмино (2015 йилда "Ливерпуль") билан тенг келадиган иккинчи йирик трансфер бўлади.
“Хоффенхайм” Рюттерни 2021 йилнинг қишида “Ренн”дан деярли 1 миллион евро эвазига сотиб олганди. 2022/23 йилги мавсумда у “Хоффенхайм” сафида 17 та ўйинда майдонга тушиб, 2 та гол урди ва 3 та голли узатмани амалга оширди.
Transfermarkt.com портали футболчининг нархини 16 миллион еврога баҳоламоқда. Унинг немис клуби билан шартномаси 2026 йилнинг ёзига қадар амал қилади.
