“Yuventus”ning kolumbiyalik yarim himoyachisi Xuan Kuadrado faoliyatini Saudiya Arabistonida davom ettirishi mumkin. 35 yoshli futbolchining xizmatlariga "An-Nasr" qiziqish bildirmoqda, deb xabar beradi Calciomercato.

Manbaning xabariga ko‘ra, Kudarado asosiy tarkibdagi muhim futbolchi maqomini yo‘qotgan "Yuventus"ni tark etishga tayyor. Kolumbiyalik futbolchiga "Milan" ham qiziqish bildirmoqda.

Eslatib o‘tamiz, mavsum boshlanishidan oldin Kuadradoning shartnomasi avtomatik ravishda 2022/2023 yilgi mavsum oxirigacha uzaytirilgandi. Kuadrado “Yuventus”da 2015 yildan buyon to‘p suradi. O‘shandan beri yarim himoyachi barcha musobaqalarda 287 ta o‘yinda maydonga tushib, 24 ta gol urdi va 65 ta golli uzatmani amalga oshirdi.

Joriy mavsumda “Yuventus” A Seriyaning 17 uchrashuvida 37 ochko jamg‘argan va turnir jadvalida ikkinchi o‘rinda bormoqda.