“Ювентус”нинг колумбиялик ярим ҳимоячиси Хуан Куадрадо фаолиятини Саудия Арабистонида давом эттириши мумкин. 35 ёшли футболчининг хизматларига "Ан-Наср" қизиқиш билдирмоқда, деб хабар беради Calciomercato.

Манбанинг хабарига кўра, Кударадо асосий таркибдаги муҳим футболчи мақомини йўқотган "Ювентус"ни тарк этишга тайёр. Колумбиялик футболчига "Милан" ҳам қизиқиш билдирмоқда.

Эслатиб ўтамиз, мавсум бошланишидан олдин Куадрадонинг шартномаси автоматик равишда 2022/2023 йилги мавсум охиригача узайтирилганди. Куадрадо “Ювентус”да 2015 йилдан буён тўп суради. Ўшандан бери ярим ҳимоячи барча мусобақаларда 287 та ўйинда майдонга тушиб, 24 та гол урди ва 65 та голли узатмани амалга оширди.

Жорий мавсумда “Ювентус” А Сериянинг 17 учрашувида 37 очко жамғарган ва турнир жадвалида иккинчи ўринда бормоқда.