Jurnalist Ben Jeykobsning so‘zlariga ko‘ra, "Chelsi" "Fulxem"dan 2:1 hisobidagi mag‘lubiyatdan keyin bosh murabbiy Grem Potter haqidagi fikrini o‘zgartirmagan.
Avvalgidek klub prezidenti Todd Bouli va rahbariyati murabbiyni ishdan bo‘shatishmoqchi emas, chunki ular uzoq muddatli qo‘shma loyihani rejalashtirmoqda. Mutaxassis transferlar bilan qo‘llab-quvvatlanadi va vaziyatni to‘g‘irlash uchun vaqt beriladi.
Oxirgi 4 uchrashuvda londonliklar bir marta durang o‘ynab, uchta mag‘lubiyat alamini totib ko‘rishgan. Jamoa Premyer-liga turnir jadvalida 10-o‘rinni egallab turibdi.
