“Manchester Yunayted” hujumchisi Markus Reshford APLning 20-turi doirasida “Manchester Siti” ustidan qozonilgan g‘alabadan so‘ng (2:1) o‘z his-tuyg‘ulari bilan o‘rtoqlashdi.
“Bu alohida o‘yin bo‘ldi. Hal qiluvchi golni urish, g‘alaba qozonish... Bu muvaffaqiyat butun jamoaga juda muhim turtki berishi mumkin. Men har doim biz ko‘p narsaga qodir ekanligimizni bilardim. Va endi hamma narsa bo‘lishi mumkin”, — deya Reshford so‘zlarini keltiradi BBC.
Erik ten Xag jamoasi APLda ketma-ket beshinchi o‘yinda g‘alabaga erishdi. "Manchester Yunayted" 38 ochko jamg‘arib, APL turnir jadvalida ikkinchi o‘rindagi "Siti"dan bir ochko ortda qolgan holda uchinchi o‘ringa ko‘tarilib oldi.
