“Манчестер Юнайтед” ҳужумчиси Маркус Рэшфорд АПЛнинг 20-тури доирасида “Манчестер Сити” устидан қозонилган ғалабадан сўнг (2:1) ўз ҳис-туйғулари билан ўртоқлашди.
“Бу алоҳида ўйин бўлди. Ҳал қилувчи голни уриш, ғалаба қозониш... Бу муваффақият бутун жамоага жуда муҳим туртки бериши мумкин. Мен ҳар доим биз кўп нарсага қодир эканлигимизни билардим. Ва энди ҳамма нарса бўлиши мумкин”, — дея Рэшфорд сўзларини келтиради BBC.
Эрик тен Хаг жамоаси АПЛда кетма-кет бешинчи ўйинда ғалабага эришди. "Манчестер Юнайтед" 38 очко жамғариб, АПЛ турнир жадвалида иккинчи ўриндаги "Сити"дан бир очко ортда қолган ҳолда учинчи ўринга кўтарилиб олди.
