Ukrainaning “Shaxtyor” klubi yarim himoyachisi Mixail Mudrikka Londonning “Arsenal” klubi xaridor bo‘layotgani haqida ma’lumot berilgandi. So‘nggi xabarlarga qaraganda, mahoratli futbolchi “to‘pchilar” tarkibiga emas, “Chelsi”ga o‘tishga yaqin turibdi.

The Athletic ma’lumotiga ko‘ra, “ko‘klar” Mudrik transferi uchun 70 million yevro va yana 40 million yevroni bonus sifatida to‘lashga rozi bo‘lishgach, tomonlar kelishuvga erishishgan.

22 yoshli vinger London klubi bilan 7 yillik shartnoma imzolaydigan bo‘ldi.

Ma’lumot uchun, Mudrik UPL joriy mavsumida 12 ta o‘yinda 7 ta gol va 7 ta assist qayd etgan. YECHLda esa 6 ta bahsda 3ta gol va 2ta assistga erishgan.