Украинанинг “Шахтёр” клуби ярим ҳимоячиси Михаил Мудрикка Лондоннинг “Арсенал” клуби харидор бўлаётгани ҳақида маълумот берилганди. Сўнгги хабарларга қараганда, маҳоратли футболчи “тўпчилар” таркибига эмас, “Челси”га ўтишга яқин турибди.

The Athletic маълумотига кўра, “кўклар” Мудрик трансфери учун 70 миллион евро ва яна 40 миллион еврони бонус сифатида тўлашга рози бўлишгач, томонлар келишувга эришишган.

22 ёшли вингер Лондон клуби билан 7 йиллик шартнома имзолайдиган бўлди.

Маълумот учун, Мудрик УПЛ жорий мавсумида 12 та ўйинда 7 та гол ва 7 та ассист қайд этган. ЕЧЛда эса 6 та баҳсда 3та гол ва 2та ассистга эришган.