"Lids" o‘zining rasmiy saytida "Xoffenxaym" hujumchisi Jorjinyo Ryutter bilan shartnoma imzolaganini e’lon qildi. 20 yoshli fransiyalik futbolchi bilan 2028 yilgacha mo‘ljallangan shartnoma imzolangan.
Kelishuv summasi oshkor etilmadi, ammo "Lids" bu transfer klub tarixidagi rekord ekanligini tasdiqladi.
Britaniya OAV xabariga ko‘ra, "Lids" futbolchi uchun bonuslar bilan birga 40 million yevro to‘laydi.
“Xoffenxaym” Ryutterni 2021 yilning qishida “Renn”dan deyarli 1 million yevro evaziga sotib olgandi. 2022/23 yilgi mavsumda u “Xoffenxaym” safida 17 ta o‘yinda maydonga tushib, 2 ta gol urdi va 3 ta golli uzatmani amalga oshirdi.