"Лидс" ўзининг расмий сайтида "Хоффенхайм" ҳужумчиси Жоржиньо Рюттер билан шартнома имзолаганини эълон қилди. 20 ёшли франциялик футболчи билан 2028 йилгача мўлжалланган шартнома имзоланган.
Келишув суммаси ошкор этилмади, аммо "Лидс" бу трансфер клуб тарихидаги рекорд эканлигини тасдиқлади.
Британия ОАВ хабарига кўра, "Лидс" футболчи учун бонуслар билан бирга 40 миллион евро тўлайди.
“Хоффенхайм” Рюттерни 2021 йилнинг қишида “Ренн”дан деярли 1 миллион евро эвазига сотиб олганди. 2022/23 йилги мавсумда у “Хоффенхайм” сафида 17 та ўйинда майдонга тушиб, 2 та гол урди ва 3 та голли узатмани амалга оширди.
