"Barselona" himoyachisi Erik Garsiya kamida mavsum yakuniga qadar kataloniyaliklar sharafini himoya qilishda davom etadi, deb xabar berdi jurnalist Xavi Migel.
Manbaga ko‘ra, klub murabbiylar shtabi 22 yoshli ispaniyalikni qo‘yib yuborish haqida o‘ylagani yo‘q. Avvalroq "Arsenal" Garsiyani o‘z safiga qo‘shib olmoqchi ekanligi haqida xabarlar chiqqan edi.
Transfermarkt portali markaziy himoyachini 18 million yevroga baholamoqda. Uning shartnomasi 2026 yilgacha mo‘ljallangan.