"Барселона" ҳимоячиси Эрик Гарсия камида мавсум якунига қадар каталонияликлар шарафини ҳимоя қилишда давом этади, деб хабар берди журналист Хави Мигель.
Манбага кўра, клуб мураббийлар штаби 22 ёшли испанияликни қўйиб юбориш ҳақида ўйлагани йўқ. Аввалроқ "Арсенал" Гарсияни ўз сафига қўшиб олмоқчи эканлиги ҳақида хабарлар чиққан эди.
Transfermarkt портали марказий ҳимоячини 18 миллион еврога баҳоламоқда. Унинг шартномаси 2026 йилгача мўлжалланган.