«Bunyodkor» bugun Abu Dabi yig‘inidagi ilk nazorat o‘yinida maydonga tushdi.

Raqib BAAning nomdor jamoasi «Al-Vahda» bo‘ldi. Amirlik chempionatida 4-o‘rinni egallab turgan raqib ustozi bugungi bahsda asosiy o‘yinchilarining xizmatidan foydalandi.

Aytish kerak, akademiya tarbiyalanuvchilaridan iborat yosh «qaldirg‘ochlar» jiddiy raqibga munosib qarshilik ko‘rsatdi. O‘yin taqdirini yagona gol hal qildi. «Al Vahda»ning argentinalik yarim himoyachisi Fokundo Kruzskiy zaxiradan maydonga tushib 67-daqiqada mezbonlarga g‘alaba keltirgan gol muallifiga aylandi.

Toshkentliklarda ham raqib darvozasini ishg‘ol qilish uchun yetarlicha imkoniyat bo‘ldi, ammo vaziyatlardan foydalana olmaslik pand berdi.

Nazorat uchrashuvi
«AL VAHDA» (BAA) - «BUNYODKOR»
«Al Vahda»: Muhammad Al Shamsi, Lukas Peminta, Faris Juma, Abdulloh Al Xarbi, Rubin Filipp, Allan, Abdulloh Hamad, Adrian Silva, Tahnoon Al Zaabi, Xuan Luka, Pedro.
«Bunyodkor»: Suhrob Sultonov (Muhammad Yusuf Sobirov), Muzaffar Olimjonov (Farhod O‘tkirov; Umid Sultonov), Avazbek O‘lmasaliyev (Abdulloh Omonaliyev), Jasur Yoqubov (Muhammadodil Qahramonov), Davron Ergashev (Aleksandr Zevadinov), Diyor Jaloliddinov (Narimon Ahmadjonov), Akbar  Ismatullayev (Aziz To‘lqinbekov; Muhammadayyub Omonov), Suhrob Izzatov (Muhammad Safo Fozilov), Rasul Yo‘ldoshov (Ollobergan Karimov; Bilol Tupliyev), Igor Ivanovich (Sherzod Mirzajonov), Jasur Hakimov (Usmonali Ismonaliyev).
Gol: Fokundo Kruzskiy, 67 - 1:0.