«Бунёдкор» бугун Абу Даби йиғинидаги илк назорат ўйинида майдонга тушди.

Рақиб БААнинг номдор жамоаси «Ал-Ваҳда» бўлди. Амирлик чемпионатида 4-ўринни эгаллаб турган рақиб устози бугунги баҳсда асосий ўйинчиларининг хизматидан фойдаланди.

Айтиш керак, академия тарбияланувчиларидан иборат ёш «қалдирғочлар» жиддий рақибга муносиб қаршилик кўрсатди. Ўйин тақдирини ягона гол ҳал қилди. «Ал Ваҳда»нинг аргентиналик ярим ҳимоячиси Фокундо Крузский захирадан майдонга тушиб 67-дақиқада мезбонларга ғалаба келтирган гол муаллифига айланди.

Тошкентликларда ҳам рақиб дарвозасини ишғол қилиш учун етарлича имконият бўлди, аммо вазиятлардан фойдалана олмаслик панд берди.

Назорат учрашуви
«АЛ ВАҲДА» (БАА) - «БУНЁДКОР»
«Ал Ваҳда»: Муҳаммад Ал Шамси, Лукас Пеминта, Фарис Жума, Абдуллоҳ Ал Харби, Рубин Филипп, Аллан, Абдуллоҳ Ҳамад, Адриан Силва, Таҳноон Ал Зааби, Хуан Лука, Педро.
«Бунёдкор»: Суҳроб Султонов (Муҳаммад Юсуф Собиров), Музаффар Олимжонов (Фарҳод Ўткиров; Умид Султонов), Авазбек Ўлмасалиев (Абдуллоҳ Омоналиев), Жасур Ёқубов (Муҳаммадодил Қаҳрамонов), Даврон Эргашев (Александр Зевадинов), Диёр Жалолиддинов (Наримон Аҳмаджонов), Акбар  Исматуллаев (Азиз Тўлқинбеков; Муҳаммадайюб Омонов), Суҳроб Иззатов (Муҳаммад Сафо Фозилов), Расул Йўлдошов (Оллоберган Каримов; Билол Туплиев), Игор Иванович (Шерзод Мирзажонов), Жасур Ҳакимов (Усмонали Исмоналиев).
Гол: Фокундо Крузский, 67 - 1:0.