"Napoli" vingeri Xvicha Kvarasxeliya faoliyatini "Arsenal"da davom ettirishi mumkin, deya xabar beradi Tuttomercatoweb.

Manba bergan xabarga ko‘ra, "kanonirlar" "Chelsi"ga o‘tgan Mixail Mudrikning transferi bilan bog‘liq muvaffaqiyatsizlikdan so‘ng hujumning chap qanotini kuchaytirish variantlarini qidirmoqda.

Shuningdek, Italiya klubi rahbariyati gruziyalik yarim himoyachini qo‘yib yuborishni istamasligi, chunki uni jamoa yetakchilaridan biri deb bilishi, biroq futbolchi bilan 100 million yevrodan ko‘proq evaziga xayrlashishga tayyor ekani ham xabar qilingan.

Kvarasxeliya “Napoli” safida 2022 yilning yozidan buyon to‘p suradi. Uning klub bilan amaldagi shartnomasi 2027 yilning iyunigacha mo‘ljallangan.

Joriy mavsumda 21 yoshli gruziyalik neapolliklar safida 20 ta o‘yin o‘tkazib, 9 ta gol urdi va 12 ta golli uzatmani amalga oshirdi. Transfermarkt portaliga ko‘ra futbolchining narxi 60 million yevroga baholanmoqda.