"Наполи" вингери Хвича Кварацхелия фаолиятини "Арсенал"да давом эттириши мумкин, дея хабар беради Tuttomercatoweb.

Манба берган хабарга кўра, "канонирлар" "Челси"га ўтган Михаил Мудрикнинг трансфери билан боғлиқ муваффақиятсизликдан сўнг ҳужумнинг чап қанотини кучайтириш вариантларини қидирмоқда.

Шунингдек, Италия клуби раҳбарияти грузиялик ярим ҳимоячини қўйиб юборишни истамаслиги, чунки уни жамоа етакчиларидан бири деб билиши, бироқ футболчи билан 100 миллион евродан кўпроқ эвазига хайрлашишга тайёр экани ҳам хабар қилинган.

Кварацхелия “Наполи” сафида 2022 йилнинг ёзидан буён тўп суради. Унинг клуб билан амалдаги шартномаси 2027 йилнинг июнигача мўлжалланган.

Жорий мавсумда 21 ёшли грузиялик неаполликлар сафида 20 та ўйин ўтказиб, 9 та гол урди ва 12 та голли узатмани амалга оширди. Transfermarkt порталига кўра футболчининг нархи 60 миллион еврога баҳоланмоқда.