«Tottenxem» hujumchisi Xarri Keyn klub bilan shartnomasini uzaytirmoqchi emas, deb xabar beradi The Telegraph. 29 yoshli hujumchining shartnomasi 2024 yilning yozida yakuniga yetadi.

Manbaga ko‘ra, muzokaralarda muvaffaqiyatsizlikka uchragan taqdirda klub direktorlar kengashi raisi Deniyel Levi o‘zi xohlagan yo‘ldan borishi mumkin.

Ya’ni, premyer-liga klublaridan Keynga qiziqish bildirilgan taqdirda u 100 million funtlik tovon puli talab qiladi. Avvalroq hujumchiga «Manchester Yunayted» va «Bavariya» klublari qiziqish bildirgandi.

Eslatib o‘tamiz, joriy mavsum Keyn hisobida 27 ta o‘yinda 17 ta gol va 3 ta golli uzatma mavjud.