«Тоттенхэм» ҳужумчиси Харри Кейн клуб билан шартномасини узайтирмоқчи эмас, деб хабар беради The Telegraph. 29 ёшли ҳужумчининг шартномаси 2024 йилнинг ёзида якунига етади.
Манбага кўра, музокараларда муваффақиятсизликка учраган тақдирда клуб директорлар кенгаши раиси Дениел Леви ўзи хоҳлаган йўлдан бориши мумкин.
Яъни, премьер-лига клубларидан Кейнга қизиқиш билдирилган тақдирда у 100 миллион фунтлик товон пули талаб қилади. Аввалроқ ҳужумчига «Манчестер Юнайтед» ва «Бавария» клублари қизиқиш билдирганди.
Эслатиб ўтамиз, жорий мавсум Кейн ҳисобида 27 та ўйинда 17 та гол ва 3 та голли узатма мавжуд.
